2017-05-16 圣雅各推「盛馔」8款 口感如慕丝 吞咽难长者可享家居软餐

【明报专讯】有吞食困难或者体弱慨长者成日都要食无味糊仔,好难有胃口,圣雅各福群会推出首个家居软餐「盛馔」,除咗取其谐音「盛赞」之意,亦系专为有吞食困难同体弱长者而设,口感好似moouse(慕丝),质感软滑,几年前已经喺多间安老院舍做试行计划,发现会令长者食快啲、食多啲。

 

每款$22或$27 要解冻8个钟

 

「盛馔」共有8款,包括甘笋、绍菜、白菜、豆腐、鸡肉、猪肉、鱼柳同牛肉,每款22蚊或者27蚊,一菜一肉慨配搭就卖40蚊,解冻8个钟,再蒸大约25分钟就食得。

 

一菜一肉加碗粥 够一餐营养

 

圣雅各福群会话,医管局有统计报告显示,中风同认知障碍症系令老人家吞食困难慨两大主因,继而令老人家无胃口同营养唔好,影响健康。该会慨营养师关建慧同Emily讲,呢类老人家一般食碎餐或者糊餐,但呢类餐慨卖相唔讨好,令老人家唔想食,「盛馔」一菜一肉配搭夹埋有200克,再配一碗粥或糊饭,就够老人家一餐所需营养。

 

该会持续照顾服务高级经理蔡嘉仪话,老人家食唔到正常餐往往令屋企人好头痕,希望「盛馔」减少照顾者准备嘢食同喂餐时间,令佢哋同老人家慨相处更好。

 

圣雅各福群会话,市民可以即日起打2831 3237或者上网订购,3个工作天左右就会收到回复,可以拣去湾仔、上环、石硖尾或者荃湾慨圣雅各福群会办事处攞货。

 

來源: 【明报专讯】http://jump.mingpao.com/resources/detail/s00012/1494901382563